4330 ۔ حضرت عبداللہ بن عمر (رض) بیان کرتے ہیں کہ حضرت عمر (رض) کو خیبر میں ایک زمین ملی ‘ وہ نبی اکرم (صلی اللہ علیہ وآلہ وسلم) کی خدمت میں حاضر ہوئے اور عرض کی کہ مجھے ایسی زمین ملی ہے کہ اس سے پہلے اس سے زیادہ بہترین زمین نہیں ملی تو آپ اس بارے میں مجھے کیا حکم دیتے ہیں ؟ تو نبی اکرم (صلی اللہ علیہ وآلہ وسلم) نے ارشاد فرمایا کہ اگر تم چاہوتو وہ زمین اپنے پاس رہنے دو اور اس کے پھل کو صدقہ کردو۔ راوی کہتے ہیں : تو حضرت عمر (رض) نے اس کے پھل کو صدقہ کردیا ‘ اس طرح کہ اس زمین کو فروخت نہیں کی جاسکتا ‘ ہبہ نہیں کی جاسکتا ‘ وراثت میں تقسیم نہیں کی جاسکتا ‘(اس کا پھل) غریبوں ‘ رشتے داروں ‘ غلاموں ‘ اللہ کی راہ میں جہاد کرنے والوں اور مسافروں کو ملے گا۔ جو شخص اس کا نگران ہوگا اسے کوئی گناہ نہیں ہوگا ‘ اگر وہ مناسب طورپر اس میں سے کھالیتا ہے ‘ یا اپنے کسی دوست کو کھلا دیتا ہے ‘ لیکن شرط یہ ہے کہ وہ مال جمع کرنے والا نہ ہو۔