4344 ۔ حضرت انس (رض) بیان کرتے ہیں کہ جب یہ آیت نازل ہوئی :” تم اس وقت تک نیکی تک نہیں پہنچ سکتے جب تک اس چیزکوخرچ نہیں کرتے جو تمہیں پسند ہے “۔
تو حضرت ابوطلحہ (رض) نے عرض کی : یارسول اللہ ! ہمارے پروردگار نے ہم سے ہمارے مال مانگے ہیں ‘ میں آپ کو گواہ بناکریہ بات کہہ رہاہوں کہ ” بیرحاء “ میں موجوداپنی زمین کو میں اللہ کے نام کرتا ہوں ‘ تو نبی اکرم (صلی اللہ علیہ وآلہ وسلم) نے ارشاد فرمایا : تم اسے اپنے قریبی رشتے داروں کودے دو ‘ تو حضرت ابوطلحہ (رض) نے وہ زمین حضرت حسان بن ثابت اور حضرت ابی بن کعب (رض) میں تقسیم کردی۔