4374 ۔ عمروبن سلیم بیان کرتے ہیں کہ حضرت عبداللہ بن زید (رض) جنہیں خواب میں اذان دینے کا طریقہ سکھایا گیا تھا ‘ انھوں نے اپنا ایک باغ صدقہ کردیا ‘ وہ نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ انھوں نے عرض کی : میں نے اپنا یہ باغ صدقہ کردیا ہے ‘ یہ اللہ اور اس کے رسول کی نذ رہے ‘ پھر ان کے والدین نبی اکرم (صلی اللہ علیہ وآلہ وسلم) کی خدمت اقدس میں حاضر ہوئے۔ ان دونوں نے عرض کی کہ ہمارا گزربسر صرف اسی باغ پر ہوتا ہے ‘ تو نبی اکرم (صلی اللہ علیہ وآلہ وسلم) نے وہ باغ ان کے والدین کو واپس کردیا۔ پھر جب ان والدین کا انتقال ہواتوان کے ورثاء کو وہ مل گیا۔