4376 ۔ حضرت عبادہ بن صامت (رض) بیان کرتے ہیں کہ عبداللہ بن فلاں نامی صاحب (شعبان نامی راوی کو یہاں پہ لفظ بھول گیا ہے) نبی اکرم (صلی اللہ علیہ وآلہ وسلم) کی خدمت میں حاضر ہوئے اور انھوں نے عرض کی : یارسول اللہ ! میری ہرچیز صدقہ ہے سوائے میرے گھوڑے اور میرے ہتھیاروں کے۔ راوی بیان کرتے ہیں : ان کی کچھ زمین بھی تھی نبی اکرم (صلی اللہ علیہ وآلہ وسلم) نے وہ قبضے میں لے لی اور اسے اوفاض (یعنی مختلف لوگوں کے لیے مالی مدد کے طورپر) مقرر کردیا۔ ان کے والد ین نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ انھوں نے عرض کی : ہمیں ہمارے بیٹے کے صدقہ کیے ہوئے مال میں سے کچھ کھانے کے لیے دیں ‘ اللہ کی قسم ! ہمارے پاس اس کے علاوہ اور کوئی چیز نہیں ہے ‘ ہم لوگ اوقاض کے چکرلگاتے ہیں ‘ تو نبی اکرم (صلی اللہ علیہ وآلہ وسلم) نے اس باغ کو لیا اور اسے ان دونوں کے حوالے کردیا۔ پھر جب وہ دونوں فوت ہوئے تو ان کے بیٹے اس کے وارث بنے ‘ جنہوں نے اسے صدقہ کیا تھا ‘ وہ نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ انھوں نے عرض کی : یارسول اللہ ! میں نے جو چیزصدقہ کی تھی اور جو آپ نے میرے والدین کو واپس کردی تھی تواب ان دونوں کا انتقال کی : یارسول اللہ ! میں نے جو چیزصدقہ کی تھی اور جو آپ نے میرے والدین کو واپس کردی تھی تواب ان دونوں کا انتقال ہوگیا ہے ‘ کیا یہ میرے لیے حلال ہے ؟ نبی اکرم (صلی اللہ علیہ وآلہ وسلم) نے ارشاد فرمایا : ہاں ! تم خوش کرا سے کھاؤ۔