4438 ۔ حضرت عبداللہ بن عباس (رض) بیان کرتے ہیں : ایک انصاری خیبر میں یہودیوں کے کنویں کے پاس مقتول پایا گیا ‘ ان لوگوں نے اس بات کا تذکرہ نبی اکرم (صلی اللہ علیہ وآلہ وسلم) سے کیا۔ نبی اکرم (صلی اللہ علیہ وآلہ وسلم) نے ان لوگوں کو پیغام بھجوایا کہ وہ لوگ ٥٠‘ افراد کو لیں ‘ جن میں سے ہر ایک شخص کا نام لے کر قسم اٹھائے کہ میں نے اسے قتل نہیں کیا ‘ نہ ہی میں قاتل کے بارے میں کچھ جانتا ہوں ‘ پھر نبی اکرم (صلی اللہ علیہ وآلہ وسلم) نے ان پر دیت کی ادائیگی لازم قراردی تو انھوں نے کہا : ان صاحب نے وہی فیصلہ دیا ہے جو حضرت موسیٰ (علیہ السلام) کی شریعت میں تھا۔