4448 ۔ عمروبن شرید بیان کرتے ہیں : میں اور حضرت ابورافع (رض) ‘ حضرت سعد کے پاس آئے تو حضرت ابورافع (رض) نے کہا : اپنے گھر میں موجود میرے حصے کو آپ خرید لیں ‘ حضرت سعد نے کہا : میں اسے خرید نا نہیں چاہتا ‘ پھر کسی شخص نے مشورہ دیا کہ آپ ان سے یہ خرید لیں ‘ حضرت سعد (رض) بولے : میں اسے چار سو درہم کے عوض میں خریدوں گا ‘ خواہ جلدی ادائیگی کردوں یا تاخیر سے کروں۔ تو حضرت ابورافع (رض) نے کہا کہ میں اسے پانچ ہزار درہم کے عوض میں دوں گاجوفورا ادا کرنے ہوں گے تو حضرت سعد (رض) نے ان سے کہا کہ میں آپ کو مزید ادائیگی نہیں کرسکتا۔
حضرت ابورافع (رض) نے کہا : اگر میں نے نبی اکرم (صلی اللہ علیہ وآلہ وسلم) کو یہ ارشاد فرماتے ہوئے نہ سنا ہوتا : پڑوسی اپنے پڑوس میں موجود جگہ کو خرید نے کا زیادہ حق رکھتا ہے ‘ تو میں پانچ ہزاردرہم چھوڑکرچارسودرہم میں فروخت نہ کرتا۔