4482 ۔ حضرت عمران بن حصین (رض) بیان کرتے ہیں کہ انصار سے تعلق رکھنے والا ایک شخص فوت ہوگیا ‘ اس نے ترکہ میں چھ غلام چھوڑے ‘ اس شخص کے پاس ان غلاموں کےعلاوہ کوئی مال نہیں تھا ‘ اس شخص نے مرتے وقت ان تمام غلاموں کو آزاد کردیا ‘ یہ مقدمہ نبی اکرم (صلی اللہ علیہ وآلہ وسلم) کی خدمت میں پیش کیا گیا تو آپ (صلی اللہ علیہ وآلہ وسلم) نے انھیں تین حصوں میں تقسیم کیا ‘ ان کے درمیان قرعہ اندازی کی ‘ ایک تہائی حصے کو آزاد قراردیا اور دوتہائی کو غلام رہنے دیا (یعنی دوکو آزاد کردیا اور چارکوغلام رہنے دیا) ۔