4497 ۔ عمروبن شعیب اپنے والد کے حوالے سے ‘ اپنے داداکایہ بیان نقل کرتے ہیں کہ حضرت بلال (رض) ‘ نبی اکرم (صلی اللہ علیہ وآلہ وسلم) کی خدمت میں حاضر ہوئے ‘ ان کے ساتھ ان کی زمین کا عشر تھا۔ اس نے نبی اکرم (صلی اللہ علیہ وآلہ وسلم) سے دریافت کیا کہ آپ اسے ایک وادی چراگاہ کے طورپرعطاء کردیں جس کا نام ” سلبہ “ تھا۔ نبی اکرم (صلی اللہ علیہ وآلہ وسلم) نے وہ جگہ اس کو چراگاہ کے طورپردے دی ‘ پھر جب حضرت عمر (رض) خلیفہ بنے تو سفیان بن وہب نے حضرت عمر (رض) کو خط لکھا اور ان سے اس بارے میں دریافت کیا تو حضرت عمر (رض) نے فرمایا : وہ تمہیں وہی ادائیگی کریں گے جو وہ نبی اکرم (صلی اللہ علیہ وآلہ وسلم) کو ادائیگی کرتا تھا ‘ یعنی اس جگہ کی پیداوارکادسواں حصہ ‘ توٹھیک ہے وہ چراگاہ اس کے پاس رہنے دو ‘ جس کا نام سلبہ ہے ‘ اور اگر وہ ایسا نہیں کرتا تو وہ اس طرح ہوگی جسے جو چاہے گا وہ کھالے گا۔