4506 ۔ سیدہ عائشہ صدیقہ (رض) بیان کرتی ہیں کہ ایک مرتبہ ایک قیافہ شناس آیا ‘ نبی اکرم (صلی اللہ علیہ وآلہ وسلم) بھی وہاں موجود تھے ‘ حضرت اسامہ بن زید اور زیدبن حارثہ دونوں لیٹے ہوئے تھے ‘ وہ شخص بولا : یہ پاؤں باپ بیٹے کے ہیں۔ سیدہ عائشہ (رض) بیان کرتی ہیں کہ نبی اکرم (صلی اللہ علیہ وآلہ وسلم) مسکرائے اور آپ کو یہ بات پسند آئی ‘ آپ نے یہ بات سیدہ عائشہ (رض) کو بتائی۔
ابراہیم بن سعدنامی راوی بیان کرتے ہیں : حضرت زید (رض) سرخ وسفیدرنگ کے مالک تھے جبکہ حضرت اسامہ کا رنگ رات کی طرح (سیاہ) تھا۔