4509 ۔ سیدہ عائشہ صدیقہ (رض) بیان کرتی ہیں کہ سعد اور عبدبن زمعہ ‘ نبی اکرم (صلی اللہ علیہ وآلہ وسلم) کے پاس بیٹھ کر بحث کرنے لگے ‘ سعد : یارسول اللہ ! میرے بھائی عتبہ نے مجھے یہ وصیت کی تھی ‘ اس نے کہا تھا کہ جب تم مکہ میں جاؤ گے تو زمعہ کی کنیز کے بیٹے کو دیکھنا اور اسے گود میں لے لینا کیونکہ وہ میرا بیٹا ہے ‘ عبدبن زمعہ نے کہا : یارسول اللہ ! وہ میرے باپ کی کنیز کا بیٹا اور میرا بھائی ہے ‘ جو میرے والد کے بستر پر پیدا ہوا ہے ‘ نبی اکرم (صلی اللہ علیہ وآلہ وسلم) نے اس بچے کی عتبہ کے ساتھ واضح مشابہت ملاحظہ کی تو آپ نے فرمایا : اے عبدبن زمعہ ! یہ تمہیں ملے گا کیونکہ بچہ بستر والے کا ہوتا ہے ‘ اے سودہ ! تم اس لڑکے سے پردہ کرو۔