4605 ۔ عتبہ بن فرقدبیان کرتے ہیں کہ ایک مرتبہ میں حضرت عمر (رض) کی خدمت میں مٹھائی کے تھال لے کر آیا ‘ وہ میں نے ان کے سامنے رکھے ‘ انھوں نے ان میں سے کسی ایک کو کھول کر دیکھا تودریافت کیا : اے عتبہ ! تمام مسلمانوں کو یہ چیز نصیب ہوجاتی ہے۔ میں نے عرض کی : جی نہیں ! یہ چیز صرف امیرلوگوں کو ملتی ہے۔ حضرت عمر (رض) نے فرمایا : تم اسے اٹھالو ‘ مجھے اس کی ضرورت نہیں ہے۔
راوی بیان کرتے ہیں : اسی دوران میری موجودگی میں انھوں نے کھانا منگوالیا تو ان کے لیے موٹاگوشت اور سخت روٹی لائے گئے میں نے اس گوشت کو کھانے کا ارادہ کیا ‘ میں اسے کوہان کا گوشت سمجھا تھا لیکن وہ گردن کا گوشت تھا ‘ پس اسے منہ میں چناتارہا ‘ جب وہ میری طرف سے غافل ہوئے تو میں نے اس گوشت کو اپنے اور دسترخوان کے درمیان میں رکھ دیا ‘ پھر حضرت عمر (رض) نے نبی ذمنگوائی جو سرکہ بننے والی تھی ‘ انھوں نے اس میں تھوڑاساپانی ملایا ‘ پھر اسے تھوڑی دیروی سے ہی رہنے دیا ‘ پھر وہ مجھے بھی پلایا اور خود بھی پیا ‘ پھر بولے : اے عتبہ ! ہم روزانہ اونٹ کا گوشت پکاتے ہیں اور اس کا سرین کا اچھا گوشت مہمان کو یا عام مسلمانوں کو کھلا دیتے ہیں اور گردن کا وہ گوشت جو گلتا نہیں ہے اسے خود کھاتے ہیں ‘ جو تم نے ابھی دیکھا بھی ہے ‘ اس کے بعدیہ نبی ذپی لیتے ہیں تاکہ ہمارے پیٹ میں وہ گوشت ہضم ہوجائے۔