حضرت معاذ بن جبل (رض) بیان کرتے ہیں : ایک مرتبہ وہ نبی اکرم (صلی اللہ علیہ وآلہ وسلم) کے پاس بیٹھے ہوئے تھے، اسی دوران ایک شخص آپ (صلی اللہ علیہ وآلہ وسلم) کی خدمت میں حاضر ہوا، اس نے عرض کی : یارسول اللہ ! آپ ایسے شخص کے بارے میں کیا فرماتے ہیں ؟ جو کسی ایسی عورت کے قریب جاتا ہے جو اس کے لیے حلال نہیں اور جو مرد عورتوں کے ساتھ کرتے ہیں، وہ ہر کام اس کے ساتھ کرلیتا ہے، البتہ اس کے ساتھ صحبت نہیں کرتا، تو نبی اکرم (صلی اللہ علیہ وآلہ وسلم) نے ارشاد فرمایا : تم اچھی طرح وضو کرو ، پھر اٹھ کر نماز ادا کرلو۔
راوی بیان کرتے ہیں : تو اللہ تعالیٰ نے یہ آیت نازل کی : ” تم نماز کو دن کے دونوں حصوں میں قائم کرو اور رات کے کچھ حصے میں بھی “۔
حضرت معاذ بن جبل (رض) نے دریافت کیا : کیا یہ حکم اس شخص کے لیے مخصوص ہے یا تمام مسلمانوں کے لیے مخصوص ہے ؟ تو نبی اکرم (صلی اللہ علیہ وآلہ وسلم) نے ارشاد فرمایا : یہ تمام مسلمانوں کے لیے عام ہے۔ یہ روایت مستند ہے۔