یہی روایت بعض دیگر اسناد کے ہمراہ منقول ہے، جس میں ایک روایت میں یہ الفاظ ہیں : سیدہ عائشہ صدیقہ (رض) بیان کرتی ہیں : نبی اکرم (صلی اللہ علیہ وآلہ وسلم) روزے کی حالت میں بوسہ لے لیا کرتے تھے۔ امام مالک (رح) نے امام زہری (رح) کا یہ فرمان نقل کیا ہے : بوسہ لینے کے بعد وضو لازم ہوجاتا ہے، تو اگر زہری کے حوالے سے سیدہ عائشہ (رض) سے منقول روایت کو درست تسلیم کرلیا جائے تو پھر زہری کو اس کے خلاف فتویٰ نہیں دینا چاہیے تھا، باقی اللہ بہتر جانتا ہے !