عمروبن شعیب، سیدہ زینب (رض) کا یہ بیان نقل کرتے ہیں : انھوں نے سیدہ عائشہ صدیقہ (رض) سے ایسے شخص کے بارے میں دریافت کیا کہ جو اپنی بیوی کا بوسہ لیتا ہے، اسے چھو لیتا ہے، تو کیا اس شخص پر وضو کرنا لازم ہوگا ؟ تو سیدہ عائشہ صدیقہ (رض) نے جواب دیا : بعض اوقات نبی اکرم (صلی اللہ علیہ وآلہ وسلم) وضو کرتے اور پھر میرا بوسہ لے لیتے اور پھر تشریف لے جاتے اور نماز ادا کرتے اور از سر نو وضو نہیں کرتے تھے۔
اس روایت کی راوی زینب نامی راوی مجہول ہے اور اس طرح کی روایت کو دلیل کے طور پر پیش نہیں کیا جاسکتا۔