حضرت ابوسعید خدری (رض) بیان کرتے ہیں : عرض کی گئی : یارسول اللہ ! ہم لوگ ” بضاعہ “ کنویں سے وضو کرلیتے ہیں، حالانکہ اس میں حائضہ عورتوں کے کپڑے اور دیگر گندی چیزیں ڈالی جاتی ہیں۔ ایک روایت میں یہ الفاظ ہیں : ” مردار “ ڈالا جاتا ہے۔
بعض راویوں نے یہ الفاظ نقل کیے ہیں : کتے کا گوشت ڈال دیا جاتا ہے۔ نبی اکرم (صلی اللہ علیہ وآلہ وسلم) نے ارشاد فرمایا : پانی پاک ہوتا ہے، اسے کوئی چیز ناپاک نہیں کرتی۔ حدیث کے یہ الفاظ ابن ابوعون نامی راوی کے نقل کردہ الفاظ کے مطابق ہیں۔