حضرت ابوہریرہ (رض)، سیدہ عائشہ صدیقہ (رض) کے حوالے سے یہ بات نقل کرتے ہیں، وہ فرماتی ہیں : ایک مرتبہ رات کے وقت میں نی نبی اکرم (صلی اللہ علیہ وآلہ وسلم) کو بستر پر موجود نہیں پایا، میں نے اپنے ہاتھ کے ذریعے آپ کو تلاش کیا تو میرا ہاتھ آپ کے دونوں پاؤں پر پڑا جو کھڑے ہوئے تھے، میں نے سنا کہ آپ یہ دعا مانگ رہے تھے : ” میں تیری ناراضگی سے تیری رضامندی کی پناہ مانگتا ہوں اور تیری سزا سے تیری معافی کی پناہ مانگتا ہوں، تیری بارگاہ میں تیری ہی مدد حاصل کی جاسکتی ہے اور میں تیری تعریف نہیں کرسکتا اور تیری ثناء بیان نہیں کرسکتا، تیری ثناء اسی طرح ہے جیسے تو نے خود اپنی ذات کی ثناء بیان کی ہے “۔
اس روایت میں سند میں کچھ اختلافات پائے جاتے ہیں۔