حضرت عمران بن حصین (رض) بیان کرتے ہیں : میں نے نبی اکرم (صلی اللہ علیہ وآلہ وسلم) کو ارشاد فرماتے ہوئے سنا ہے : جو شخص نماز کے دوران قہقہہ لگا کر ہنسے تو وہ دوبارہ وضو کرے اور نماز ادا کرے۔
حسن نامی راوی نے یہ بات بیان کی ہے، جو شخص قہقہہ لگائے گا، وہ دوبارہ وضو کرے گا اور نماز ادا کرے گا۔ اس حدیث کو سفیان نامی راوی نے نقل کیا ہے، جو ضعیف ہے اور علم حدیث میں ان کی حالت بہت بری ہے۔ یہی روایت ایک اور سند کے ہمراہ حضرت انس بن مالک (رض) کے حوالے سے نبی اکرم (صلی اللہ علیہ وآلہ وسلم) سے منقول ہے۔