حضرت حسن بصری (رح) بیان کرتے ہیں : ایک مرتبہ نبی اکرم (صلی اللہ علیہ وآلہ وسلم) نماز ادا کررہے تھے، اسی دوران ایک شخص آیا جس کی نظر کمزور تھی، (راوی کو شک ہے) کہ وہ نابینا تھا، وہ کنویں میں گرگیا، بعض لوگ ہنس پڑے، نبی اکرم (صلی اللہ علیہ وآلہ وسلم) نے ہنسنے والوں کو دوبارہ نماز پڑھنے اور وضو کرنے کا حکم دیا۔
راوی بیان کرتے ہیں : میں نے اس روایت کا تذکرہ حفص بن سلمان سے کیا، تو انھوں نے فرمایا : میں نے یہ روایت حسن بصری (رح) کو حفصہ (بنت سیرین) کے حوالے سے سنائی تھی، اور درست یہ ہے، یہ روایت حسن بصری (رح) سے ” مرسل “ روایت کے طور پر منقول ہے۔