حمید بن ہلال فرماتے ہیں : حضرت ابوموسیٰ اشعری (رض) ایک وقد کے ہمراہ روانہ ہوئے ، اس وفد میں عبدالقیس قبیلے سے تعلق رکھنے والا ایک نابینا شخص بھی تھا، حضرت ابوموسیٰ اشعری (رض) نماز پڑھا رہے تھے، سب لوگ رکوع میں گئے، انھوں نے اپنے سر جھکائے ، ان کی پشت پر موجود نابینا شخص کنویں میں گرگیا۔
احنف نامی راوی بیان کرتے ہیں : جب میں نے اس کی آواز سنی کہ وہ کنویں میں گرگیا ہے، تو حاضرین میں سے میرے اور حضرت ابوموسیٰ اشعری (رض) کے علاوہ ہر شخص ہنس پڑا حضرت ابوموسیٰ (رض) نے نماز مکمل کی اور دریافت کیا : ان لوگوں کو کیا ہوا تھا ؟ ان لوگوں نے بتایا : فلاں شخص گڑھے میں گرگیا تھا، تو حضرت ابو موسیٰ نے انھیں حکم دیا کہ وہ دوبارہ نماز ادا کریں۔