681 ۔ ابان نامی راوی بیان کرتے ہیں۔ قتادہ سے سفر کے دوران تیمم کے بارے میں پوچھا گیا تو انھوں نے جواب دیا ، حضرت عبداللہ بن عمر (رض) یہ بیان کرتے تھے کہنیوں تک کیا جائے گا۔ حسن بصری اور ابراہیم نخعی فرماتے ہیں کہنیوں تک (مسح کیا جائے گا۔ ) حضرت عمار بن یاسر (رض) نے یہ بات بیان کی ہے نبی کریم (صلی اللہ علیہ وآلہ وسلم) نے ارشاد فرمایا ہے کہنیوں تک (تیمم) کیا جائے گا۔
ابواسحاق نامی راوی بیان کرتے ہیں میں نے اس روایت کا تذکرہ امام احمد بن حنبل سے کیا تو انھیں یہ روایت بہت پسند آئی ۔ انھوں نے فرمایا یہ کتنی بہترین روایت ہے۔