745 ۔ مفضل بن فضالہ بیان کرتے ہیں : میں نے یزید بن ابوحبیب سے موزوں پر مسح کرنے کے بارے میں دریافت کیا تو انھوں نے فرمایا : عبداللہ بن حکم نے علی بن رباح کے حوالے سے ، حضرت عقبہ بن عامر کا یہ بیان نقل کیا ہے ، حضرت عقبہ نے انھیں بتایا ایک مرتبہ وہ وفد میں شامل ہو کر حضرت عمر (رض) کی خدمت میں حاضر ہوئے عقبہ فرماتے ہیں ، اس وقت میں نے موٹے والے موزے پہنے ہوئے تھے جب کہ اس دن جمعہ ہی تھا، تو حضرت عمر (رض) نے ان سے فرمایا تم نے سنت کے مطابق عمل کیا ہے ۔
ایک روایت میں یہ الفاظ ہیں : تم نے ٹھیک کہا ہے اس میں لفظ سنت منقول نہیں ہے۔