750 ۔ زر بن حبیش بیان کرتے ہیں : میں حضرت صفوان بن عسال (رض) کی خدمت میں حاضر ہوا، انھوں نے دریافت کیا : کیوں آئے ہو ؟ میں نے جواب دیا میں علم کے حصول کے لیے آیاہوں ، تو انھوں نے فرمایا میں نے نبی کریم (صلی اللہ علیہ وآلہ وسلم) کو یہ ارشاد فرماتے ہوئے سنا ہے جو شخص علم کے حصول کے لیے اپنے گھر سے نکلتا ہے تو فرشتے اس کے اس عمل سے راضی ہو کر اپنے پر بچھاتے ہیں۔ زر نے کہا : میں اس لیے آیاہوں تاکہ موزوں پر مسح کے بارے میں دریافت کروں، تو انھوں نے جواب دیا، میں اس لشکر میں شامل تھا جسے نبی کریم (صلی اللہ علیہ وآلہ وسلم) نے (ایک مہم) پر بھیجا تھا اور ہمیں ہدایت کی تھی ، تم اپنے موزوں پر مسح سفر کے دوران تین دن تک مسح کرسکتے ہو اور قیام کے دوران ایک دن اور ایک رات تک کرسکتے ہو ۔ جبکہ ہم نے اسے باوضو حالت میں موزوں میں داخل کیا ہو اور ہم اپنے پیشاب کرنے کے بعد پاخانہ کرنے کے بعد یا سونے کے بعد (اٹھ کر وضو کرتے ہوئے نہیں اتاریں گے ، ہم انھیں صرف جنابت کی حالت میں اتاریں گے ۔
حضڑت صفوان (رض) نے یہ بھی بتایا : میں نے نبی کریم (صلی اللہ علیہ وآلہ وسلم) کو یہ فرماتے ہوئے سنا ہے مغرب میں ایک دروازہ ہے جو توبہ کے لیے کھلا ہوا ہے جس کی چوڑائی ستر برس کی مسافت جتنی ہے ، یہ اس وقت تک بند نہیں ہوگا جب تک سورج اس (مغرب) کی طرف سے طلوع نہیں ہوتا۔