754 ۔ عبادہ بن نسئی ، ابی کے حوالہ سے جو ابن عمارہ ہیں ، یہ بات نقل کرتے ہیں : نبی کریم (صلی اللہ علیہ وآلہ وسلم) نے حضرت عمارہ کے گھر میں دونوں قبلوں کی طرف رخ کرکے نماز ادا کی ہے ، انھوں نے عرض کیا یارسول اللہ (صلی اللہ علیہ وآلہ وسلم) کیا میں اپنے موزوں پر مسح کرلوں تو آپ (صلی اللہ علیہ وآلہ وسلم) نے فرمایا ہاں تو انھوں نے عرض کی ، یارسول اللہ ایک دن تک ؟ نبی کریم (صلی اللہ علیہ وآلہ وسلم) نے فرمایا ہاں (کرسکتے ہو) انھوں نے عرض کی یارسول اللہ (صلی اللہ علیہ وآلہ وسلم) ! دو دن تک نبی کریم (صلی اللہ علیہ وآلہ وسلم) نے فرمایا ہاں (کرسکتے ہو) اور تین دن تک بھی۔ انھوں نے عرض کی یارسول اللہ (صلی اللہ علیہ وآلہ وسلم) تین دن تک بھی ؟ یہاں تک کہ انھوں نے سات دن تک پوچھا، تو نبی کریم (صلی اللہ علیہ وآلہ وسلم) نے فرمایا جتنا تمہیں مناسب لگے۔
اس کی سند ثابت نہیں ہے۔ یحییٰ بن ایوب نامی راوی سے روایت نقل کرنے میں اختلاف کیا گیا ہے جو میں نے کسی اور مقام پر ذکر کیا ہے ، اس روایت کے راوی عبدالرحمن ، محمد بن یزید ، اور ایوب بن قحطن، سب مجہول ہیں باقی اللہ بہتر جانتا ہے۔