781 سیدہ ام سلمہ (رض) جو نبی کریم (صلی اللہ علیہ وآلہ وسلم) کی زوجہ ہیں بیان کرتی ہیں فاطمہ بنت ابوحبیش نبی کریم (صلی اللہ علیہ وآلہ وسلم) کے زمانہ میں استحاضہ کا شکار ہوئی سیدہ ام سلمہ نے ان کے بارے میں نبی کریم (صلی اللہ علیہ وآلہ وسلم) سے مسئلہ دریافت کیا تو نبی کریم (صلی اللہ علیہ وآلہ وسلم) نے ارشاد فرمایا پہلے مہینوں میں جتنے دن تک اسے حیض آیا کرتا تھا وہ اس تعداد کو شمار کرے اور اس دوران نماز کو ترک کردے جب وہ وقت گزر جائے تو وہ غسل کرکے وضو کر لیاکرے اور کپڑا رکھ کے نماز ادا کرلیا کرے۔