806 ۔ سیدہ عائشہ صدیقہ (رض) بیان کرتی ہیں فاطمہ بنت ابوحبیش نبی کریم (صلی اللہ علیہ وآلہ وسلم) کی خدمت میں حاضر ہوئی انھوں نے عرض کیا یارسول اللہ میں استحاضہ کا شکار عورت ہوں تو نبی کریم (صلی اللہ علیہ وآلہ وسلم) نے فرمایا یہ کسی اور رگ کا خون ہے تو تم اپنے حیض کے ایام کا حساب رکھو، جب اس سے زیادہ دن ہوجائیں تو غسل کرکے صفائی کر کے نماز ادا کرلیا کرو۔
اس روایت کو نقل کرنے میں عمار نامی راوی منفرد ہے ، یہ ضعیف ہیں۔ جبکہ محدثین کے نزدیک اسماعیل سے منقول ہونے کے اعتبار سے یہ روایت موقوف ہے۔ (اس میں یہ الفاظ ہیں) استحاضہ کا شکار عورت اپنے حیض کے ایام شمار کرے گی اس کے بعد وہ غسل کرلے گی اور ہر نماز کے لیے وضو کرے گی۔