820 ۔ سیدہ عائشہ صدیقہ (رض) بیان کرتی ہیں فاطمہ بنت ابوحبیش آئی اور بولی مجھے استحاضہ کی شکایت ہے میں پاک نہیں ہوتی، نبی کریم (صلی اللہ علیہ وآلہ وسلم) نے ارشاد فرمایا حیض کے مخصوص ایام کے دوران نماز ادا نہ کرو، اس کے بعد غسل کرو اور پھر روزے بھی رکھو، نماز بھی پڑھو اگرچہ خون کے قطرے چٹائی پر گر رہے ہوں۔
اس خاتون نے عرض کی میں استحاضہ میں مبتلا ہوں میرا خون نہیں رکتا تو نبی کریم (صلی اللہ علیہ وآلہ وسلم) نے فرمایا یہ کسی اور رگ کا خون ہے یہ حیض کا خون نہیں ہے جب حیض آجائے تو تم نماز کو ترک کردو اور جب وہ ختم ہوجائے توغسل کرکے نماز پڑھنا شروع کردو۔