834 ۔ حضرت ابوامامہ (رض) بیان کرتے ہیں نبی کریم (صلی اللہ علیہ وآلہ وسلم) نے یہ بات ارشاد فرمائی ، کنواری لڑکی یاثیبہ کی حیض کی مقدار کم ازکم تین دن ہے اور زیادہ سے زیادہ دس دن ہے اگر وہ دس دن کے بعد بھی خون دیکھتی ہے تو وہ عورت مستحاضہ شمار ہوگی وہ اپنے حیض کے مخصوص ایام سے زیادہ دنوں کی قضا کرے گی حیض کا خون صرف سیاہ ہوتا ہے اور گاڑھا ہوتا ہے اور اس پر سرخی غالب ہوتی ہے جبکہ مستحاضہ عورت کا خون پتلاہوتا ہے جس پر زردی غالب ہوتی ہے اگر نماز کے دوران خون بکثرت خارج ہو تو وہ روئی رکھ لے ، اگر پھر بھی خون باہر نکل رہاہو تو کوئی دوسراکپڑا یا پٹی رکھ لے اگر اس پر نماز کے دوران غالب ہو تو نماز نہ چھوڑے اگرچہ اس سے قطرے ٹپک رہے ہوں مرداس سے صحبت بھی کرسکتا ہے اور وہ عورت روزے بھی رکھے گی۔
اس روایت کا راوی عبدالملک مجہول ہے جبکہ علاء نامی راوی علاء بن کثیر ہے اور یہ حدیث میں ضعیف ہے جبکہ مکحول نامی راوی نے حضرت ابوامامہ سے کوئی بھی حدیث نہیں سنی ہے۔