881 ۔ حضرت انس (رض) بیان کرتے ہیں : نبی کریم (صلی اللہ علیہ وآلہ وسلم) نے فرمایا : مجھے اس بات کا حکم دیا گیا ہے : میں مشرکین کے ساتھ اس وقت تک لڑائی کرتا رہوں جب تک وہ اس بات کی گواہی نہ دیں کہ اللہ کے علاوہ کوئی معبود نہیں اور حضرت محمد (صلی اللہ علیہ وآلہ وسلم) اللہ کے رسول ہیں جب وہ اس بات کی گواہی دے دیں کہ اللہ کے سوا کوئی معبود نہیں حضرت محمد (صلی اللہ علیہ وآلہ وسلم) اللہ کے رسول ہیں وہ ہماری طرح نماز ادا کریں اور ہمارے قبلہ کی طرف رخ بھی کریں ہمارے ذبائح کو کھائیں تو ان کے اموال اور خون ہم پر حرام ہوجائیں گے البتہ ان کا حق برقرار رہے گا : ان کو ہر وہ چیز ملے گی جو مسلمان کو حاصل ہوگی ان پر ہر وہ چیز لازم ہوگی جو مسلمان پر لازم ہوتی ہے۔