889 ۔ عبداللہ بن محریز بیان کرتے ہیں : یہ صاحب حضرت ابومحذورہ (رض) کے زیر پرورش تھے جب انھیں شام بھیجا جانے لگا تو یہ بیان کرتے : میں نے حضرت ابومحذورہ (رض) سے کہا : چچاجان۔ میں شام جانے لگاہوں مجھے یہ اندیشہ ہے میں آپ سے آپ کی اذان کے بارے میں دریافت نہیں کرسکوں گا : تو آپ مجھے اس بارے میں بتائیے تو انھوں نے جواب دیا : ہاں ! میں کچھ لوگوں کے ساتھ نکلا ہم حنین کے راستے میں تھے نبی کریم (صلی اللہ علیہ وآلہ وسلم) حنین سے واپس تشریف لا رہے تھے راستے میں ہمارا (نبی کریم (صلی اللہ علیہ وآلہ وسلم) کے قافلے) سے سامنا ہوا نبی کریم (صلی اللہ علیہ وآلہ وسلم) کے موذن نے نماز کے لیے اذان دی حضرت ابومحذورہ فرماتے ہیں : ہم نے موذن کی اذان سنی تو ہم نے بھی بلند آواز میں ان الفاظ کو دہرایا ہم اس کا مذاق اڑا رہے تھے نبی کریم (صلی اللہ علیہ وآلہ وسلم) نے اس آواز کو سن لیا : آپ نے ہمیں لینے کے لیے کسی کو بھیجا یہاں تک کہ ہمیں آپ (صلی اللہ علیہ وآلہ وسلم) کے سامنے لا کر کھڑا کردیا گیا نبی کریم (صلی اللہ علیہ وآلہ وسلم) نے دریافت کیا تم میں سے وہ کون شخص ہے جس کی آواز بلند تھی اور میں نے سنی ؟ سب لوگوں نے میری طرف اشارہ کیا : انھوں نے ٹھیک کہا تھا تو نبی کریم (صلی اللہ علیہ وآلہ وسلم) نے ان سب کو چھوڑ دیا اور مجھے روک لیا، آپ (صلی اللہ علیہ وآلہ وسلم) نے ارشاد فرمایا : تم اٹھو اور نماز کے لیے اذان دو ! میں اٹھا اس وقت نبی کریم (صلی اللہ علیہ وآلہ وسلم) اور آپ (صلی اللہ علیہ وآلہ وسلم) نے جو حکم مجھے دیا تھا میرے نزدیک اس سے زیادہ ناپسندیدہ اور کوئی چیز نہیں تھی میں نبی کریم (صلی اللہ علیہ وآلہ وسلم) کے سامنے کھڑا ہوا آپ (صلی اللہ علیہ وآلہ وسلم) نے بذات خود اذان دینے کا طریقہ سکھایا اور فرمایا : تم یہ پڑھو :
اللہ اکبر اللہ اکبر اللہ اکبر اللہ اکبر اشھدان لاالہ الا اللہ اشھد ان لاالہ الا اللہ اشھد ان محمد رسول اللہ اشھد ان محمد رسول اللہ پھر آپ نے مجھ سے فرمایا : اسے دوبارہ پڑھو ! اور اپنی آواز کو پھیلاؤ پھر آپ نے مجھ سے فرمایا : اب تم یہ پڑھو :
اشھدان لاالہ الا اللہ اشھد ان لاالہ الا اللہ اشھد ان محمد رسول اللہ اشھد ان محمد رسول اللہ حی علی الصلاۃ حی علی الصلاۃ حی علی الفلاح حی علی الفلاح اللہ اکبر اللہ اکبر لا الہ الا اللہ۔
جب میں نے اذان مکمل کرلی تو آپ (صلی اللہ علیہ وآلہ وسلم) نے مجھے بلایا اور ایک تھیلی عطاء کی جس میں تھوڑی سی چاندی تھی پھر نبی کریم (صلی اللہ علیہ وآلہ وسلم) نے اپنا دست مبارک حضرت محذورہ کی پیشانی پر رکھا پھر ہاتھ ان کے چہرے پر پھیرا ان کے سینے پر پھیرا پھر ان کے جگر پر پھیرا یہاں تک کہ آپ (صلی اللہ علیہ وآلہ وسلم) نے اپنا دست مبارک حضرت ابومحذورہ کی ناف تک پھیرا پھر نبی کریم (صلی اللہ علیہ وآلہ وسلم) نے ارشاد فرمایا اللہ تعالیٰ تمہارے اندر برکت نصیب کرے اور تمہارے اوپر برکتیں نازل فرمائے۔ میں تمہیں اس بات کی اجازت دیتاہوں اس وقت نبی کریم (صلی اللہ علیہ وآلہ وسلم) کے لیے میرے من میں جتنی بھی ناپسندیدگی تھی وہ سب ختم ہوگئی اور وہ سب نبی کریم (صلی اللہ علیہ وآلہ وسلم) کی محبت میں تبدیل ہوگئی پھر میں حضرت عتاب بن اسید کے پاس گیا جو نبی کریم (صلی اللہ علیہ وآلہ وسلم) کے مقرر کردہ گورنر تھے تو میں نے نبی کریم (صلی اللہ علیہ وآلہ وسلم) کے حکم کے تحت اذان دینا شروع کردی۔
ابن جریج نامی راوی نے یہ بات بیان کی ہے : میں نے حضرت ابومحذورہ (رض) کی اولاد سے تعلق رکھنے والے ایک صاحب سے اسی طرح یہ روایت سنی ہے جس طرح ابن محیریز نے مجھے یہ حدیث سنائی تھی یہ روایت ربیع نامی راوی کی نقل کردی ہے اس کے الفاظ بھی انہی کے ہیں۔