891 ۔ حضرت ابومحذورہ (رض) بیان کرتے ہیں : نبی کریم (صلی اللہ علیہ وآلہ وسلم) حنین تشریف لے گئے، میں مکہ کے دس آدمیوں کے ساتھ پیچھے گیا۔ وہ بیان کرتے ہیں : ہم نے ان لوگوں کو نماز کے لیے اذان دیتے ہوئے سنا تو ہم بھی اٹھ کر اذان دینے لگے، ہم ان کا مذاق اڑا رہے تھے ۔ نبی کریم (صلی اللہ علیہ وآلہ وسلم) نے ارشاد فرمایا : میں نے ان لوگوں میں ایسے شخص کی اذان سنی ہے ، جس کی آواز بہت اچھی ہے ، پھر آپ نے ہمیں بلوایا، پھر ہم میں سے ہر ایک شخص نے الگ الگ اذان دی ، میں نے سب سے آخر میں اذان دی ، تو آپ (صلی اللہ علیہ وآلہ وسلم) نے ارشاد فرمایا : تم آگے آؤ ! پھر آپ (صلی اللہ علیہ وآلہ وسلم) نے مجھے اپنے سامنے بٹھالیا پھر میری پیشانی پر ہاتھ پھیرا اور میرے لیے تین مرتبہ دعا کی ، پھر ارشاد فرمایا : جاؤ اور بیت اللہ کے پاس اذان دو میں نے عرض کی : وہ کیسے ؟ یارسول اللہ ! تو نبی کریم (صلی اللہ علیہ وآلہ وسلم) نے مجھے اذان کا طریقہ سکھایا ، جس طرح آج کل اذان دی جاتی ہے۔ (اذان کے الفاظ یہ تھے ):
اللہ اکبر اللہ اکبر اللہ اکبر اللہ اکبر اشھدان لاالہ الا اللہ اشھد ان لاالہ الا اللہ اشھد ان محمد رسول اللہ اشھد ان محمد رسول اللہ حی علی الصلاۃ حی علی الصلاۃ حی علی الفلاح حی علی الفلاح اللہ اکبر اللہ اکبر لا الہ الا اللہ۔
یہ صبح کی پہلی اذان میں الفاظ استعمال کیے جاتے ہیں۔
'' الصلاۃ خیر من النوم الصلاۃ خیر من النوم ''
حضرت ابومحذورہ (رض) بیان کرتے ہیں نبی کریم (صلی اللہ علیہ وآلہ وسلم) نے مجھے اقامت کے کلمات بھی دو مرتبہ کہنے کا طریقہ تعلیم دیا ہے (اس کے الفاظ یہ ہیں :)
'' قد قامت الصلاۃ قد قامت الصلاۃ اللہ اکبر اللہ اکبر لاالہ الا اللہ ''