ابوبردہ بیان کرتے ہیں : ایک دفعہ میں اور میرے والد (حضرت ابوموسیٰ اشعری (رض)) حضرت علی بن ابوطالب (رض) کی خدمت میں حاضر ہوئے تو حضرت علی (رض) نے ہم سے فرمایا : نبی اکرم (صلی اللہ علیہ وآلہ وسلم) نے اس بات سے منع کیا ہے، سونے یا چاندی کے برتن میں کچھ پیا جائے یا اس میں کچھ کھایا جائے، اور نبی اکرم (صلی اللہ علیہ وآلہ وسلم) نے قسی، میژہ، ریشمی کپڑے (ریشم کی مختلف اقسام ہیں) کو استعمال کرنے اور سونے کی انگوٹھی پہننے سے منع کیا ہے۔