989 ۔ حضرت انس بن مالک (رض) بیان کرتے ہیں : میں نے نبی کریم (صلی اللہ علیہ وآلہ وسلم) کی اقتداء میں عصر کی نماز ادا کی ، جب آپ (صلی اللہ علیہ وآلہ وسلم) نے نماز ختم کرلی تو بنوسلمہ سے تعلق رکھنے والے ایک شخص نے عرض کیا یارسول اللہ ! میرے پاس ایک اونٹ ہے میں اسے قربان کرنا چاہتاہوں میں یہ چاہتاہوں کہ آپ بھی وہاں موجود ہوں ، تو نبی کریم (صلی اللہ علیہ وآلہ وسلم) وہاں سے روانہ ہوئے ہم بھی چل پڑے ، پھر اس اونٹ کو قربان کیا گیا پھرا سے ہمارے لیے تیار کیا گیا تو سورج غروب ہونے سے پہلے ہی ہم نے اس کا گوشت بھی کھالیا۔ (حضرت انس (رض) کہتے ہیں) ہم لوگ عصر کی نماز نبی کریم (صلی اللہ علیہ وآلہ وسلم) کی اقتداء میں ادا کرتے تھے اس کے بعد کوئی شخص چھ میل کا فاصلہ سورج غروب ہونے سے پہلے طے کرلیا کرتا تھا۔