اور رسول اللہ (صلی اللہ علیہ وآلہ وسلم) نے فرمایا : جب نماز کے لیے اذان دی جاتی ہے تو شیطان پیٹھ پھیر کر چلا جاتا ہے تاکہ اذان سنائی نہ دے۔ جب اذان ختم ہوجاتی ہے تو وہ پھر آجاتا ہے یہاں تک کہ جب نماز کے لیے اقامت کہی جاتی ہے تو پیٹھ پھیر کر پھر چلا جاتا ہے پھر جب اقامت ختم ہوجاتی ہے تو آدمی اور اس کے نفس کے درمیان خطرہ ڈالنے کے لیے چلا آتا ہے اور اس سے کہتا ہے کہ ” فلاں بات یاد کر “ ” فلاں بات یاد کر “ جو اس سے پہلے یاد نہیں آتی تھی۔ یہاں تک آدمی یہ جاننے کے قابل نہیں رہتا کہ اس نے کتنی نماز پڑھی۔