اور رسول اللہ (صلی اللہ علیہ وآلہ وسلم) نے فرمایا : آدم اور موسیٰ علیہما السلام نے (ایک بار) آپس میں حجت کی چنانچہ موسیٰ نے ان سے کہا : کیا تم ہی وہ آدم ہو جنہوں نے لوگوں کو گمراہ کیا اور ان کو جنت سے زمین پر نکالا ؟ اس پر آدم نے ان سے کہا : کیا تم ہی وہ موسیٰ ہو جن کو اللہ نے ہر چیز کا علم دیا اور اپنا رسول بنا کر دوسرے لوگوں سے برگزیدہ بنایا ؟ انھوں نے کہا : ہاں۔ (آدم نے) کہا : کیا تم مجھے ایسی بات کے متعلق ملامت کرتے ہو جو میری پیدائش سے پہلے ہی لکھ دی گئی تھی کہ میں ایسا کروں گا ؟ اس طرح آدم نے موسیٰ کو لاجواب کردیا۔