اور رسول اللہ (صلی اللہ علیہ وآلہ وسلم) نے فرمایا : بنی اسرائیل ننگے نہایا کرتے تھے اور ایک دوسرے کی شرم گاہ دیکھتے تھے، اور موسیٰ تنہا نہایا کرتے تھے۔ بنی اسرائیل نے کہا : اللہ کی قسم ! موسیٰ کو ہمارے ساتھ نہانے سے کوئی چیز نہیں روکتی مگر یہ کہ وہ خصیوں کی بیماری میں مبتلا ہوں گے، کہا : ایک مرتبہ وہ نہانے کے لیے گئے، اور اپنا کپڑا ایک پتھر پر رکھا، پتھر ان کے کپڑے لے بھاگا، کہا : پھر موسیٰ اس کے پیچھے یہ کہتے ہوئے بھاگے کہ " میرا کپڑا پتھر، میرا کپڑا پتھر ! ، پھر تو بنی اسرائیل نے موسیٰ کی شرم گاہ کو دیکھ لیا اور انھوں نے کہا : اللہ کی قسم ! موسیٰ میں کوئی خرابی نہیں ہے۔ کہا : ان کی شرم گاہ پر نظر پڑجانے کے بعد پتھر ٹھیر گیا، انھوں نے اپنا کپڑا لے لیا اور پتھر کو مارنے لگے، پھر ابوہریرہ نے کہا : اللہ کی قسم ! پتھر پر نشان ہیں جو چھ یا سات بار موسیٰ نے مارے تھے۔