اور رسول اللہ (صلی اللہ علیہ وآلہ وسلم) نے فرمایا : ایک شخص تھا جس نے کسی سے ایک زمین خرید، پھر جس شخص نے زمین خرید کی تھی اس نے اپنی زمین میں ایک گھڑا پایا جس میں سونا تھا، زمین کے خریدار نے (بائع سے) کہا : مجھ سے تمہارا سونا لے لو، میں نے تو تم سے زمین خریدی تھی، سونا نہیں خریدا تھا، مگر جس شخص نے زمین فروخت کی تھی اس نے کہا : میں نے تو زمین اور جو کچھ اس میں ہے تمہیں بیچ ڈالا تھا۔ اس پر ان دونوں نے ایک کو حَکَم (پنچ) بنایا۔ حَکَم نے کہا : کیا تمہاری اولاد ہے ؟ ان میں سے ایک نے کہا : میرا ایک لڑکا ہے اور دوسرے نے کہا : میری ایک لڑکی ہے۔ اس نے کہا : لڑکے سے لڑکی کی شادی کردو اور سونا اپنے ہر پر خرچ کرو اور صدقہ دو ۔