Ibn Majah: Hadith 1154

قیس بن عمرو (رض) کہتے ہیں کہ نبی اکرم ﷺ نے ایک آدمی کو دیکھا جو نماز فجر کے بعد دو رکعت پڑھ رہا تھا، تو آپ ﷺ نے فرمایا : کیا نماز فجر دو بار پڑھ رہے ہو ؟ ، اس شخص نے کہا : میں نماز فجر سے پہلے کی دو رکعت سنت نہ پڑھ سکا تھا، تو میں نے اب ان کو پڑھ لیا، تو نبی اکرم ﷺ خاموش رہے ١ ؎۔ تخریج دارالدعوہ : سنن ابی داود/الصلاة ٢٩٥ (١٢٦٧، ١٢٦٨) ، سنن الترمذی/الصلاة ١٩٧ (٤٢٢) ، (تحفة الأشراف : ١١١٠٢) ، وقد أخرجہ : مسند احمد (٥/٤٤٧) (صحیح ) وضاحت : ١ ؎: یہ حدیث اس بات پر دلالت کرتی ہے کہ نماز فجر کے بعد سورج نکلنے سے پہلے فجر کی دونوں سنتیں پڑھنا جائز ہے۔