Ibn Majah: Hadith 139

عبداللہ بن مسعود (رض) کہتے ہیں کہ مجھ سے رسول اللہ ﷺ نے فرمایا : تمہیں میرے گھر آنے کی اجازت یہی ہے کہ تم پردہ اٹھاؤ، اور یہ کہ میری آواز سن لو، الا یہ کہ میں تمہیں خود منع کر دوں ١ ؎۔ تخریج دارالدعوہ : صحیح مسلم/السلام ٦ (٢١٦٩) ، (تحفة الأشراف : ٩٣٨٨) ، وقد أخرجہ : مسند احمد (١/٣٨٨، ٣٩٤، ٤٠٤) (صحیح ) وضاحت : ١ ؎: اس حدیث سے عبداللہ بن مسعود (رض) کی فضیلت ظاہر ہے، چونکہ وہ خادم خاص تھے، اور برابر شریک مجلس رہا کرتے تھے، بار بار اجازت طلب کرنے میں حرج تھا، اس لئے نبی اکرم ﷺ نے ان کو یہ مخصوص اجازت عطا فرمائی۔