Ibn Majah: Hadith 2003

عبداللہ بن عمر (رض) سے روایت ہے کہ ایک بدوی (دیہاتی) نبی اکرم ﷺ کے پاس آیا اور کہنے لگا : اللہ کے رسول ! میری بیوی نے ایک کالا کلوٹا لڑکا جنا ہے، اور ہم ایک ایسے گھرانے کے ہیں جس میں کبھی کوئی کالا نہیں ہوا، آپ ﷺ نے فرمایا : کیا تمہارے پاس اونٹ ہیں ؟ اس نے کہا : ہاں، آپ ﷺ نے پوچھا : ان کے رنگ کیا ہیں ؟ اس نے کہا : سرخ ہیں، آپ ﷺ نے فرمایا : ان میں کوئی سیاہ بھی ہے ؟ اس نے کہا : نہیں، آپ ﷺ نے فرمایا : کیا ان میں کوئی خاکی رنگ کا ہے ؟ اس نے کہا : ہاں، آپ ﷺ نے فرمایا : یہ رنگ کہاں سے آیا ؟ اس نے کہا : ہوسکتا ہے کہ اسے کسی رگ نے کھینچ لیا ہو آپ ﷺ نے فرمایا : پھر شاید تمہارے اس بچے کا بھی یہی حال ہو کہ اسے کسی رگ نے کھینچ لیا ہو ۔ تخریج دارالدعوہ : تفرد بہ ابن ماجہ، (تحفة الأشراف : ٧٦٤٣، ومصباح الزجاجة : ١١٧) (حسن صحیح )