Ibn Majah: Hadith 2008

عبداللہ بن عباس (رض) سے روایت ہے کہ ایک عورت نے نبی اکرم ﷺ کے پاس آ کر اسلام قبول کیا، اور اس سے ایک شخص نے نکاح کرلیا، پھر اس کا پہلا شوہر آیا اور کہنے لگا : اللہ کے رسول ! میں اپنی عورت کے ساتھ ہی مسلمان ہوا تھا، اور اس کو میرا مسلمان ہونا معلوم تھا، تو رسول اللہ ﷺ نے اس عورت کو دوسرے شوہر سے چھین کر پہلے شوہر کے حوالے کردیا۔ تخریج دارالدعوہ : سنن ابی داود/الطلاق ٢٣ (٢٢٣٨، ٢٢٣٩) ، سنن الترمذی/النکاح ٤٢ (١١٤٤) ، (تحفة الأشراف : ٦١٠٧) ، وقد أخرجہ : مسند احمد (١/٢٣٢، ٣٢٣) (ضعیف) (سند میں حفص بن جمیع ضعیف راوی ہیں، اور سماک کی عکرمہ سے روایت میں اضطراب ہے )