Ibn Majah: Hadith 2287

سائب (رض) کہتے ہیں کہ انہوں نے نبی اکرم ﷺ سے عرض کیا : اللہ کے رسول ! زمانہ جاہلیت میں آپ میرے شریک تھے، تو آپ بہت بہترین شریک ثابت ہوئے نہ آپ میری مخالفت کرتے تھے نہ جھگڑتے تھے ١ ؎۔ تخریج دارالدعوہ : سنن ابی داود/الأدب ٢٠ (٤٨٣٦) ، (تحفة الأشراف : ٣٧٩١) ، وقد أخرجہ : مسند احمد (/٤٢٥) (صحیح ) وضاحت : ١ ؎: ابوداؤد کی روایت میں یوں ہے کہ نبوت سے پہلے سائب مخزومی نبی کریم ﷺ کے شریک تھے، فتح مکہ کے دن وہ آئے، اور کہا : مرحباً ، (خوش آمدید) میرے بھائی، میرے شریک، ایسے شریک کہ نہ کبھی انہوں نے مقابلہ کیا نہ جھگڑا، اس حدیث کے اور بھی کئی طریق ہیں، سبحان اللہ نبی کریم ﷺ کے اخلاق شروع سے ایسے تھے کہ تعلیم و تربیت اور ریاضت کے بعد بھی ویسے اخلاق حاصل ہونا مشکل ہے۔