Ibn Majah: Hadith 2636

جاریہ (رض) سے روایت ہے کہ ایک شخص نے دوسرے کی کلائی پر تلوار ماری جس سے وہ کٹ گئی، لیکن جوڑ پر سے نہیں، پھر زخمی شخص نے رسول اللہ ﷺ سے فریاد کی، تو آپ ﷺ نے اس کے لیے دیت (خون بہا) دینے کا حکم فرمایا، وہ بولا : اللہ کے رسول ! میں قصاص لینا چاہتا ہوں، آپ ﷺ نے فرمایا : دیت لے لو، اللہ تعالیٰ تمہارے لیے اس میں برکت دے، اور اس کے لیے قصاص کا فیصلہ نہیں فرمایا ۔ تخریج دارالدعوہ : تفرد بہ ابن ماجہ، (تحفة الأشراف : ٣١٨٠، ومصباح الزجاجة : ٩٣٠) (ضعیف) (سند میں دھثم بن قرّان الیمامی متروک ہے، نیز ملاحظہ ہو : الإ رواء : ٢٢٣٥ )