Ibn Majah: Hadith 3179

ابو سعید خدری (رض) سے روایت ہے کہ رسول اللہ ﷺ کا گزر ایک لڑکے کے پاس سے ہوا جو بکری کی کھال اتار رہا تھا، آپ ﷺ نے فرمایا : الگ ہوجاؤ میں تمہیں بتاتا ہوں ، پھر آپ ﷺ نے اپنا دست مبارک گوشت اور کھال کے بیچ داخل فرمایا یہاں تک کہ آپ کا ہاتھ بغل تک پہنچ کر چھپ گیا، پھر آپ ﷺ نے فرمایا : اے لڑکے ! اس طرح سے کھال اتارو ، پھر آپ وہاں سے چلے، اور لوگوں کو نماز پڑھائی اور وضو نہیں کیا ١ ؎۔ تخریج دارالدعوہ : سنن ابی داود/الطہارة ٧٣ (١٨٥) ، (تحفة الأشراف : ٤١٥٨) (صحیح ) وضاحت : ١ ؎: کیوں کہ بکری نجس نہیں ہے۔