Ibn Majah: Hadith 3195

سلمہ بن الاکوع (رض) کہتے ہیں کہ ہم نے رسول اللہ ﷺ کے ساتھ خیبر کی لڑائی لڑی، پھر شام ہوگئی اور لوگوں نے آگ جلائی تو نبی اکرم ﷺ نے فرمایا : کیا پکا رہے ہو ؟ لوگوں نے کہا : پالتو گدھے کا گوشت (یہ سن کر) آپ ﷺ نے فرمایا : جو کچھ ہانڈی میں ہے اسے بہا دو ، اور ہانڈیاں توڑ دو تو لوگوں میں سے ایک نے عرض کیا : اللہ کے رسول ! کیا ہم ایسا نہ کریں کہ جو ہانڈی میں ہے اسے بہا دیں اور ہانڈی کو دھل (دھو) ڈالیں ؟ نبی اکرم ﷺ نے فرمایا : ایسا ہی کرلو ۔ تخریج دارالدعوہ : صحیح البخاری/المظالم ٣٢ (٢٤٧٧) ، صحیح مسلم/الجہاد ٤٣ (١٨٠٢) ، (تحفة الأشراف : ٤٥٤٢) ، وقد أخرجہ : مسند احمد (٤/٤٨، ٥٠) (صحیح )