Ibn Majah: Hadith 4296

معاذ بن جبل (رض) کہتے ہیں کہ رسول اللہ ﷺ میرے پاس گزرے اور میں ایک گدھے پر سوار تھا، آپ ﷺ نے فرمایا : معاذ ! کیا تم جانتے ہو کہ اللہ تعالیٰ کا حق بندوں پر کیا ہے ؟ اور بندوں کا حق اللہ تعالیٰ پر کیا ہے ؟ میں نے کہا : اللہ اور اس کے رسول زیادہ جانتے ہیں، آپ ﷺ نے فرمایا : اللہ تعالیٰ کا حق بندوں پر یہ ہے کہ وہ صرف اسی کی عبادت کریں اور اس کے ساتھ کسی کو شریک نہ کریں، اور بندوں کا حق اللہ تعالیٰ پر یہ ہے کہ جب وہ ایسا کریں تو وہ ان کو عذاب نہ دے ۔ تخریج دارالدعوہ : تفرد بہ ابن ماجہ، (تحفة الأشراف : ١١٣٤٦) ، وقد أخرجہ : صحیح البخاری/الجہاد ٤٦ (٢٨٥٦) ، صحیح مسلم/الإیمان ١٠ (٣٠) ، سنن ابی داود/الجہاد ٥٣ (٢٥٥٩) ، سنن الترمذی/الإیمان ١٨ (٢٦٤٣) ، مسند احمد (٥/٢٢٨، ٢٣٠، ٢٣٤) (صحیح )