Ibn Majah: Hadith 594

عبداللہ بن سلمہ کہتے ہیں کہ میں علی بن ابی طالب (رض) کے پاس گیا، تو انہوں نے کہا : نبی اکرم ﷺ بیت الخلاء جاتے اور اپنی حاجت پوری فرماتے، پھر واپس آ کر ہمارے ساتھ روٹی اور گوشت کھاتے، قرآن پڑھتے، آپ کو قرآن پڑھنے سے جنابت کے سوا کوئی چیز نہ روکتی تھی ١ ؎۔ تخریج دارالدعوہ : سنن ابی داود/الطہارة ٩١ (٢٢٩) ، سنن الترمذی/الطہارة ١١١ (١٤٦) ، سنن النسائی/الطہارة ١٧١ (٢٦٦) ، (تحفة الأشراف : ١٠١٨٦) ، وقد أخرجہ : مسند احمد (١/٨٤، ١٢٤) (ضعیف) (سند میں عبد اللہ بن سلمہ ضعیف ہیں، امام بخاری نے ان کے بارے میں کہا : لا يتابع على حديثه ان حدیث کی متابعت نہیں ہوگی ) وضاحت : ١ ؎: یعنی آپ صرف جنابت کی حالت میں قرآن نہیں پڑھتے تھے۔