براء بن عازب (رض) کہتے ہیں کہ رسول اللہ ﷺ نے فرمایا : جس شخص نے انصار سے محبت کی اس سے اللہ نے محبت کی، اور جس شخص نے انصار سے دشمنی کی اس سے اللہ نے دشمنی کی ۔ شعبہ کہتے ہیں کہ میں نے عدی سے پوچھا : کیا آپ نے یہ حدیث خود براء بن عازب (رض) سے سنی ہے ؟ تو انہوں نے کہا : مجھ ہی سے تو انہوں نے یہ حدیث بیان کی ١ ؎۔ تخریج دارالدعوہ : صحیح البخاری/مناقب الأ نصار ٤ (٣٧٨٣) ، صحیح مسلم/ الإیمان ٣٣ (٧٥) ، سنن الترمذی/المناقب ٦٦ (٣٩٠٠) سنن النسائی/ الکبری (٨٣٣٤) ، (تحفة الأشراف : ١٧٩٢) ، وقد أخرجہ : مسند احمد (٤/ ٢٨٣، ٢٩٢) (صحیح ) وضاحت : ١ ؎: اس حدیث سے معلوم ہوا کہ غیر صحابہ صحابہ کرام رضی اللہ عنہم کے درجے کو نہیں پہنچ سکتے، اور صحبت رسول والے شرف کے برابر کوئی عمل نہیں ہوسکتا۔