ابوقلابہ سے روایت ہے کہ شداد بن اوس (رض) رسول اللہ ﷺ کے ساتھ بقیع میں چل رہے تھے کہ اسی دوران آپ ایک شخص کے پاس سے گزرے جو چاند کی اٹھارہویں رات گزر جانے کے بعد پچھنا لگوا رہا تھا، تو آپ ﷺ نے فرمایا : پچھنا لگانے والے اور لگوانے والے دونوں کا روزہ ٹوٹ گیا ۔ تخریج دارالدعوہ : سنن ابی داود/الصوم ٢٨ (٢٣٦٨) ، (تحفة الأشراف : ٤٨٢٣) ، وقد أخرجہ : مسند احمد (٤/١٢٣، ١٢٤، ١٢٥) ، سنن الدارمی/الصوم ٢٦ (١٧٧١) (صحیح) (سند میں یحییٰ بن أبی کثیر مدلس ہیں، اور روایت عنعنہ سے کی ہے، لیکن سابقہ حدیث تقویت پاکر صحیح ہے، نیز ملاحظہ ہو : الإرواء : ٤ /٦٨/٧٠ و صحیح أبی داود : ٢٠٥٠ - ٢٠٥١ )