حبیب بن سالم کہتے ہیں کہ نعمان بن بشیر (رض) کے پاس ایک ایسا شخص لایا گیا جس نے اپنی بیوی کی لونڈی سے صحبت کرلی تھی، تو نعمان (رض) نے کہا : میں اس سلسلے میں رسول اللہ ﷺ کے فیصلے کے مطابق ہی فیصلہ کروں گا، پھر کہا : اگر اس کی عورت نے اسے اس لونڈی کے ساتھ صحبت کرنے کی اجازت دی ہے تو میں اس شخص کو سو کوڑے لگاؤں گا، اور اگر اس نے اجازت نہیں دی ہے تو میں اسے رجم کروں گا ۔ تخریج دارالدعوہ : سنن ابی داود/الحدود ٢٨ (٤٤٥٨، ٤٤٥٩) ، سنن الترمذی/الحدود ٢١ (١٤٥١) ، سنن النسائی/النکاح ٧٠ (٣٣٦٢) ، (تحفة الأشراف : ١١٦١٣) ، وقد أخرجہ : مسند احمد (٦/٢٧٢، ٢٧٦، ٢٧٧) ، سنن الدارمی/الحدود ٢٠ (٢٣٧٤) (ضعیف) (سند میں حبیب بن سالم کے بارے میں بخاری نے کہا : فیہ نظر )