ابوہریرہ، زید بن خالد اور شبل رضی اللہ عنہم کہتے ہیں کہ ہم لوگ نبی اکرم ﷺ کے پاس تھے کہ ایک شخص نے آپ سے اس لونڈی کے بارے میں سوال کیا جس نے شادی شدہ ہونے سے پہلے زنا کیا ہو ؟ آپ ﷺ نے فرمایا : اسے کوڑے مارو، اگر پھر زنا کرے تو پھر کوڑے مارو ، پھر آپ ﷺ نے تیسری یا چوتھی مرتبہ میں کہا : اسے بیچ دو خواہ وہ بالوں کی ایک رسی کے عوض بکے ۔ تخریج دارالدعوہ : صحیح البخاری/الحدود ٢٢ (٦٨٣٧، ٦٨٣٨) ، صحیح مسلم/الحدود ٦ (١٧٠٣) ، سنن ابی داود/الحدود ٣٣ (٤٤٦٩) ، سنن الترمذی/الحدود ١٣ (١٤٣٣) ، (تحفة الأشراف : ٣٧٥٦، ٤٨١٤، ١٤١٠٧) ، وقد أخرجہ : موطا امام مالک/الحدود ٣ (١٤) ، مسند احمد (٤/١١٦، ١١٧) سنن الدارمی/الحدود ١٢ (٢٣٧١) (صحیح )